طوابير بالكيلو مترات بشبرا للحصول على أنابيب البوتجاز والمواطنين "فين الغاز ولا أسرائيل احسن مننا"

صورة أرشفيه لزحام بطوابير البوتجاز

كتب: كريم البحيرى
رصدت مدونة "عمال مصر" صباح اليوم طوابير بالكيلومترات فى مختلف أنحاء منطقة شبرا الخيمة للحصول على أنابيب البوتجاز وسط حراسة أمنية وضباط تابعيين للقوات المسلحة.
وقال المواطنيين: "لا نعرف سبب عدم وجود أنابيب بوتجاز رغم ان الحكومة تقوم بتصدير البترول والغاز الى عدد من دول العالم ومن بينها عدونا إسرائيل، فى الوقت الذى لا يستطيع المواطن المصرى ان يحصل على أنبوبة بوتجاز بشكل إنسانى، متسائلين، أين الغاز المصرى ولا أسرائيل أحسن مننا؟".
وقال محمد السيد موظف وأحد مواطنى شبرا الخيمة: "الحكومة بتعامل المواطنيين كأنهم حيوانات مش من حقهم يعيشوا، إحنا كل يوم نقف طوابير بالكيلو علشان ناخد أنبوبة بوتجاز وسط إهانة من مسئولى المستودعات وضباط الجيش والبلطجية الذين يفرضون السيطرة ويخرجون عدد كبير من الأنابيب لبيعها فى السوق السوداء"، وأضاف محمد "حرام اللى بتعملة فينا الحكومة، أحنا حاسين ان نظام مبارك لسة موجود، وان المجلس العسكرى ورئيس الوزراء حاطين خطة علشان يقتلوا شعب مصر، لو مكنش من الجوع يبقى من تعذيبهم فى الحصول على الخدمات الأساسية ومنها الغاز حتى الموت"، مؤكدا "أزمة الغاز خطة من الحكومة علشان تلهى الناس عن السياسة والتفكير فى النزول يوم 25 يناير للتظاهر ضد حكم العسكر".
أما جميلة توفيق فكان رأيها: "الحكومة عاوزة تخلى الناس تكره الثورة، بس الحقيقة احنا عمرنا ما هنكره الثورة، وهنفضل نقول لا للظلم ولا للفساد ولا لتصدير غازنا لأسرائيل".
أشرف محمود قال: "هو لية المجلس العسكرى مش عايز يدخل ويحل الأزمة دى، ولا هما بس "فالحين" يسافرو ليبيا وإحنا مش لاقيين غاز ولا أمن ولا أكل، مؤكدا، انا لا بكره المجلس العسكرى ولا الحكومة ولا ثورجى، انا راجل غلبان عايز اعيش وأكل ولادى، وحرام اخد أجازة من شغلى يومين علشان أشترى أنبوبة بوتجاز، والمفروض أولى الأمر منا يحلوننا مشاكلنا"।

أخبار ذات صلة بوابة 25يناير
http://www.january-25.org/post.aspx?k=58689