هجوم شديد على المنتخب المصرى بعد حفلة عمرو دياب الذى ردد فيها هتاف زى مقال الريس منتخب مصر كويس

بعد الحفلة التى اقامها المنتخب المصرى للتبرع بأموال تذاكر الحفل لمضارى السيول فى اسوان والعريش وبعد ترديد المنتخب اثناء الحفل مع عمرو دياب زى مقال الريس منتخب مصر كويس انهالت الاف التعليقات على المواقع التى نقلت الحفل مدونة عمال مصر تنقل بعضها
لوما قالت مصر العاشر فى ترتيب الفيفا ومصر اسوأ تالت دولة ف الشفافية واول 500 جامعة عالميا مفيهمش جامعة مصرية هى دى بلاد العجايب
نيشو أبو كركر قال الفنانين ولعيبة الكورة علشان ما يتبرعوش لأخوانهم متضررى السيول بالرغم من كثرة الملايين التى ياخذوها قالوا نعمل حفلة كدة وكدة وايرادها يروح لضحايا السيول واهو الأسم اننا اتبرعنا بدل ما الناس تأكل وشنا ويقارنوا بنا وبن فنانين اوربا وأمريكا اللى اتبرعوا بملاين لأهالى تاهييتى بالرغم انهم مش اولاد بلد واحدة .وطبعا علشان الموضوع مش بنفس طلعت الحفلة مش بنفس

اجمد قال الناس نسيت مشاكلها مع الحكومة و بدات تطالب ان علاء مبارك يمسك الحكم ... صحيح شعب يغيظ
اما مصراوى فقال جمال والمواطن علاء فرحوا مع المنتخب والشعب تايه ورى الانبوبة يا سلام عليك يا محروسة
اما مفقوع فعلق قائلا خلاص خدنا البطولة حلو اووووووووووووووووووووى واللاعبية خدت ملايين حلو ااااااااوى الشعب المطحون اللى مش لاقى رغيف العيش ولا حتى انبوبة الغاز مصيره ايه من الكلام ده !!!!!!!!!!!!!!! الشعب المصرى مش كويس زى ما قال الريس

طارق السباعى قال إين كأس أفريقيا في التعليم ؟؟وكأس أفريقيا في الصحة ؟؟ وكأس أفريقيا التقدم الصناعي ؟؟وكأس أفريقيا في تقدم مستوي المعيشة ..ياعالم إحنا بنخلص أزمة بتيجي وراها أزمة . مرة العيش ومرة السكر ومرة أنبوبة البوتجاز .ومرة تلوث الأكل .ومرة تلوث الماء . الإعلام شغال اليومين دول علي رعاية الإستاذ جمال والإستاذ علاء للكورة لدرجة السفر لإحضار وحمل الكاس .ياريت الإستاذين يعطوا إهتمام للتعليم ولا الصحة ولاحتي أنبوبة البوتجاز !!

حسام من السعودية علق قائلا يارب يبقي أحوال الناس المعيشية في مصر كويسة زي المنتخب (مش كدة ولا أية)
عطية سعد الله قال دا عيب الفرح ذياده عن الازم والنبى خلينا مع الغلابه شويه محمد سعد ابو قلب كبيربيقول فول وطعميه فطار وغداء وعشاء

محامى حر قال احنا مش حاسين بالفرحة لان عندنا مشاكل كتير .. عندنا قمح ملوث وغذاء وماء ملوث ملوث وهواء ملوث وامراض واوبئة مثل مجاهل افريقيا وصخرة الدويقة وسيول سيناء ومخدرات مغرقة البلد وسلاح وبلطجة من الاشقياء والشرطة وبطالة قاتلة ..يعني حتي مش لاقين نجيب الغذاء الملوث ..الحمد لله ..عايزنا ازاي نفرح بالكورة ..وعجبي
ماوطنة مصرية قال سمك لبن تمر هندى دة راى فى الحفلة بتاعة المنتخب مش عارفة حسيت كدة وانا بتفرج عليها كأنها حملة دعائية فى انتخابات مش حفلة تكريم
الدكتورة سهام نصار قالت الشعب المصري خامة عظيمة لو أحسنوا استغلاله وتوجيهه ولكن للأسف النظام السئ هو الذى هبط بالمصريين الى أسفل درك..بدلا من أن تقولى عقبال الشعب ما يبقى كويس قولى عقبال النظام ما يبقى كويس..لأنه نظام لايهتم بالمواطن المصري وانما يهتم بالفنانين ولاعبى كرة القدم ورجال الأعمال..
فكرى عمر قال مبروك للمنتخب على الفوز بالبطولة ويستحقها وكان يستحق الصعود لكأس العالم بجدارة لكن بعدما رأيت ذلك الإستثمار السياسى للمنتخب حمدت الله أننا لم نصعد كأس العالم 2010 بالذات.