ميادة مدحت تكتب التهمة مدون
حجزوا الولد الاسمر
والتهمة بيدون
قال ايه كيبورده عنيد
وشاشاته بتمون
أفكار بلاد بره
وجمال بلاد بره
وفى شعبنا بيشحن
ليه يا ولد يا عنيد
بتثور على التقليد
وبتعشق الأصلى
وليه تقول اشاعات
عن عرشنا بالذات
عايز الشعوب تغلى؟
قال الولد الاسمر
معرفش حاجة يا بيه
إدينى لاب توبى
وسيبنى أمشى يا بيه
ده لو انت متربى
نظروله نظره شرار
وفتشوه ذاتى
فقالهم اقرار عليا وحياتى
لا عمرى كنت جاسوس
ولا كنت يوم مدسوس
لكن فضل محبوس
بينادى ويهاتى
واهو كل يوم ياخدوا
ف شباب بيتشون
فى السجن يتعبى
بالدم يتلون
ايه تهمتك يا ابنى
انا تهمتى مدون
ودى مين كمان ياختى؟
ظبطوها بتدون !
غور يا جحيم الظلم
ويا زمان .. دون
Comments
تحية صادقة الى العمال الصامدين من الاسكندرية الى شلاتين