رئيس مباحث قصر النيل اتبطح في ماتش باسكت,فحبس 24 شاب 15 يوم

كتب - مالكوم اكس
طوبة جات في رأس رئيس مباحث قصر النيل اثناء ماتش سلة بين الإتحاد والأهلي,راح السادة ضباط الشرطة,عملوا كمين قدام النادي الأهلي وقبضوا ع 24 شاب كانوا ماشيين قدام النادي,والعيال دالوقت محبوسه في سجن طره تحقيق 15 يوم.
علل ما سبق ؟
قدسية رأس رئيس مباحث قصر النيل بمقام 24 شاب يتفشخوا ويتسجنوا ويتهانوا لمجرد ان طوبة لمست رأس جنابه.
الشرطة المصرية سيادتها اتمست,فالبتالي قررت انها تثبت ان البلد دي بلد الشرطة مش ولاد الكلب الشعب.
وافتح بين اقواس ياما,وحط اسباب ياما,ودور على اي حاجه ممكن تنفع نقولها.
المطلوب عمله

1-دوشة في الميديا 2-رابطة مشجعي الاهلي,او مجموعة لها ثقل بتشجع جوا النادي,تضغط ع مجلس الادارة عشان يتدخل. 3-الكتابه عن العيال خلال الفترة اللي جايه,عشان الناس تسمع عنهم