عامل يطلب دخول اسرائيل لمصر بسبب غلاء الاسعار والحكومة المصرية

انهاردة وانا فى شغلى قابلت احد العمال ويدعى عاطف وكان يتقدم بشكوى الى احد المسئولين بسبب مرضة الشديد لانه مصاب بالعديد من الامراض واهمها انه مصاب بخشونة شديدة بالقدم ولما راح المستشفى التابعة للشركة التى يعمل بها علشان يعمل تقرير بأصابتة ويقدر يدخل عجلة ينتقل بيها فى مقر الشركة علشان ميمشيش على رجلة ويتعب وكان رد الطبيب علية انت بتتعالج فى المنصورة ايه اللى جايبك عندنا مما جعل عاطف يغضب ويترك الطبيب ويذهب لعمل منددا بالحكومة والمسئولين لانهم هما اللى جابوا الدكاترة الزبالة على حد تعبيرة ومضى عدة ايام وذهب الرجل كى يرى تقرير الطبيب ويعرف ان كانت تمت الموافقة على العجلة ام لا
وفوجىء اليوم وفى المكان الذى تقابلت معه فية وعرفت وسمعتة يتحدث
بأن الطبيب رفض اعطاءة قرار بدخول دراجة وكان تقريرة انه مصاب بخشونة بالقدم ولكن حالتة مستقرة وكأن دخول دراجة الى العمل اصبح كمقابلة رئيس الجمهورية اى انه مستحيل
جعل ذلك القرار الرجل يتحول من مسالم الى رجل كاره للدنيا وما فيها وكان نص حديثة كالاتى
الله يخرب بيت الحكومة والدكاترة اللى فى الدنيا والله يابية الدكتور كان عايزنى اكشف عنده فى عيادتة الخاصة علشان يسمحلى بدخول العجلة وهما اساسا كلهم دكاترة بهايم ومش بيعرفوا يعملوا حاجة بقا علشان العجلة اروح ااقطع رجلى يعنى
وبعدين اانا هلاقيها منين ولا منين من علاجى اللى بيتكلف كل مرتبى ولا من ارتفاع الاسعار ولا من الحكومة اللى جوعتنا من لله مبارك وحكومتنا اللى جوعتنا
وخلت شوية بهايم يتحكموا فينا
وبعدين من الاخر انا بتمنى ان اسرائيل تدخل مصر علشان يبطل اى دكتور يفكر فى الفلوس وبس
فتدخلت فورا وسألتة هل تعتقد ان اسرائيل عندما تدحل مصر سيكون معناه انه النجاه واستقرار الوضع الم ترى ما يحدث فى فلسطين الم ترى ما يفعلوه فى كل الدول التى احتلوها من مجازر وسرقة واغتصاب ؟
وكان ردة كالاتى
ياسعادة البية انا اخويا راح اسرائيل اشتغل هناك 10 شهور وبيقولى ياريتنى اسافر تانى دول كانوا اجمل 10 شهور فى حياتى
نظافة ايه واحترام ايه وشغل ايه واسعار كويسة ومرتبات زى الفل
وامام حديث الرجل ولانى لا اعترف بوجود اسرائيل قررت الانصراف وقولت له قبل ان اذهب الاتى
ياعم عاطف صدقنى اللى اخوك شافة لو كان فعلا زى ما بتقول فدا علشان هما نفسهم يطبعوا علاقتهم معاانا ويبقوا جوا مصر متعرفش المصرى من الاسرائيلى وساعتها هتبقى مصيبة لو طبعنا معاهم لاننا بنحققلهم حلمهم من النيل للفرات
ومش معنى اننا عندنا حكومة فاسدة اننا نطلب اسرائيل لكن فى طرق تانية كتير وهى استبدال الحكومة بحكومة نراها جيدة
وما كان من عم عاطف قال قبل انصرافى كلمة ردا على كلامى
عندك حق يابية الله يرحمك ياعبد الناصر ياللى كنت مهنى الشعب المصرى
ولم يكن يعرف الرجل ان عبد الناصر كان اليوم الاحتفال بذكراه لوصولة 90عاما

تلك القصة حقيقية وبدون اى مبالغة فيها والله على ما اقول شهيد
ولكن كتبتها كى يعلم الجميع ماذا فعلت الحكومة المصرية فى اهل مصر الطيبين جعلتهم يفكرون فى الارتماء فى احضان الكيان الصهيونى الكاذب
كريم البحيرى
0123308885