رسالة الى القاضي الدكتور / عبد الفتاح محمد مراد رئيس محكمة الاستئناف

مش عارف والله الحكومة بتاعنا دى عايزة منا ايه دستور وزورة حبس وكل يوم نتحبس جرايد وبتقفلها اهانة وبتهنا حتى كمان المواقع والمدونات عايزة تقفلها مش عارف ايه دا الحكومة بتاعتنا دى بقت حكومة هايفة اوى نفسى اعرف هما الناس لما تقول حقائق تبقى خطر على امن الدولة يادكتور عبد الفتاح اه نسيت ااقولك الدكتور عبد الفتاح هو اللى رافع قضية علشان حجب المواقع والمدونات
يادكتور انا نفسى تكبر عقلك شوية المدونات لهى خطر ولا حاجة وبعدين المدونات والمواقع هى الوحيدة اللى بتعرف الشعب الحقيقة اللى بتخفوها عنهم ياريتك يادكتور بدل ما ترفع قضية علشان تقفل المدونات روح ارفع قضية على مبارك اللى الغى الاشراف القضائى وخلى القضاه وكانهم غير موجودين وطبعا بثتسنى من كلامى القضاه الشرفاء اللى قاطعو التعديلات
يادكتور عبد الفتاح بدل ما تتشنج علينا سعادتك وتقول احجبوا المدونات واقفلو البتنجان
قول اطلقوا سراح المسجونين فى قضايا الرأى قول حاسبوا اللى بيعذبوا الناس فى الاقسام
ولا انا سعادتك مش بتتشطر غير على المدونين
ربنا يخليك لمصر يادكتور عبد الفتاح ولبابا مبارك
غريبة والله زمن عجيب اللى يبهدلونا ويمسحوا بكرامة اهالينا الارض نضربلهم تعظيم سلام ونطالب بمحاكمة اللى بيفضحوهم واللى يقولوا الحقيقة
يبقوا خطر على الدولة
مبروك عليك يادكتور عبد الفتاح عزبة مبارك
لمعرفة المزيد عن قضية حجب المدونات رجاء الضغط هـــــنــــا