بيان رقم 2 من عمال كفر الدوار الى عمال غزل المحة

وصلنى بيان تضامن رقم 2 من عمال كفر الدوار موجه الى غزل المحلة
ملوحظة تم توزيع البيانان داخل مصانع كفر الدوار ووصلنى تليفونيا من احد عمال المحلة والذى رفض ذكر اسمه انهم يشكرون عمال كفر الدوار على مشاعرهم الطيبة ويعلموهم من خلال مدونتى انه سيتم طبع الرسالتين وتوزيعها على عمال الشركة ليعلموا كيف ان العمال اخوة دائما وان اخوانهم فى مختلف الشركات يعلنون التضامن معهم ويقدمون لكم الشكر مرة اخرى

بعد مرور 5 شهور على اضراب المحلة لم تنفذ الادارة وعودها للعمال علشان كدة العمال قررور الاعتصام الاحد الماضى بالاتحاد العام لكن الامن منعهم من السفر وكانت مطالب العمال سبحان اللة نفس مطالبنا 1=توفير الوسائل التى تؤدى لزيادة الانتاج 2=توفير مساكن للعمال اللى اتهدت مساكنهم 3= رفع الاجور الحالية 4= زيادة الحافز 5= بناء مساكن للعمال اللى من بعد المحلة6=صدور قرار بخصوص سحب الثقة وكشوف سحب الاشتراكات من نقابة الغزل والتى وصلت الى 13000 توقيع بسحب الثقة واكثر من 6000طلب بسحب العضوية من النقابة وقررالعمال عدم التنازل عن اى مطلب بعد مرور 5 شهور على انهاء الاضراب وبعد علم الادارة بالاعتصام فى الاتحاد العام بلغوا الاتحاد عمل الاتحاد اجتماع فورى للنظر فى مشاكل غزل المحلة وضم الاجتماع القوى العاملة والنقابة العامة للغزل والنسيج ولكن منع وفد العمال من السفر دفع زملاؤهم فى الملابس الجاهزة اللى خافو على زملاؤهم للاضراب الجزئى لمدة ساعة الا ربع يوم الاتنين اللى عدى ويوم الثلاث اضرب عمال الغزل مصنع ثلاثة لمدة نص ساعة ومن ناحية تانية تم القبض على 3 عمال واتهموهم بتوزيع منشورات ولكن تم الافراج عنهم لانة ماكنش معاهم حاجة دى كانت الاحداث اللى ابتدت يوم الاحد ومستمرة حتى الان العمال يجتمعون ويعدون لاضراب شامل للضغط من خلال الشركة وليس الاتحاد العام لتحقيق مطالبهم ودايما احنا كعمال فى المحلة او كفر الدوار الادارة والنقابة العامة والاتحاد العام بيتعاملو معانا على اننا جهلا وبينضحك علينا باى تصريح فى المحلة وعدهم لم ينفذ بعد 5 شهور واحنا داخلين على نهاية ابريل ولم تحقق مطالبنا ورئيس النقابة بيسافر سرقة مش عارفين لية للنقابة العامة لكن احنا مش هبل علشان ننشغل بالاشاعات اللى بيروجها رئيس مجلس الادارة بتاعة النزول بسن الخروج معاش مبكر للاربعين احنا كلنا منتظرين بقلق وتملل اللى هيتم فى نها ية ابريل دى حاجة وكمان احنا متابعين الوضع بتاع زملاؤنا فى غزل المحلة مش نايمين لان غزل المحلة وغزل كفر الدوار فى مركب واحدة واللى بيسير عليهم بيسير علينا واحنا بندعى ان مطالبهم تتحقق واحنا كمان ونتمنى ان الوعود متكنش للمحلة وكفر الدوار جزء من كذبة ابريل

عمال غزل كفر الدوار من اجل التغييير الاربعاء 18-4-2007