بلاغ الى من يهمه امر الاثار المصرية

الموضوع بصراحة انا مقدرش أأوكد صحتة من عدمها لان دى مش شغلتى لكن انا قاعد فى أمان الله لقيت رسالة وصلت على تليفونى نصها " افتح التليفون يأشرف واحنى بنزقى " بنروى" فى الارض بتاع عمك لقنى " وجدنا" مصاخيط " اى تماثيل صغيرة الحجم" حجارة وعرايس دهب ومش عارفين نعمل إيه تعالى بسرعة وشوف حد من مصر.
دا كان نص الرسالة وانا طبعا مش هكتب رقم التليفون اللى وصلنى منه الرسالة لكن لو فى حد مسئول فى البلد دى عنده دم وخايف على اثار البلد دى من انها تضيع انا هديلة الرقم لانه من الواضح لما كلمت اللى بعت الرسالة انه اهبل ومش فاهم حاجة لانه بسألة انت بعتلى رسالة قالى انا كنت ببعتها لاخويا اصلى لقيت " مصاخيط" فى الارض وهو طبعا لو حرامى كبير مكنش استخدم اولا الرسائل ثانيا مكنش اخطىء فى الرقم ثالثا مكنش قالى انه لقى حاجة اساسا ولانة مش حرامى من حرامية الاثار فممكن بهبلة يبيعها لاى حد ويخاف يسلمها ليتقبض عليه بتهمة تهريب الاثار .
عموما انا هنتظر اى مسئول يكون خايف على البلد دى علشان اديلة الرقم علشان يقدروا يتصرفوا قبل فوات الاوان
وانا كدا ايمانا منى بأن المواطن يجب ان يكون مراقب على ثروات هذه البلد فقد ابلغت وانتظر ان يتم التحقيق فى هذا البلاغ

ملحوظة الكلمات اللى باللون الاحمر دى نص الرسالة اما اللى باللون الازرق فهى كلمات توضيحية انا ضفتها لتوضيح بعض الكلمات


كريم البحيرى
0126125619
0169338186

Comments