Saturday, January 10, 2009

شعر احمد الصياد بعنوان مبارك عليكم للتضامن مع شعب غزة

المهندس احمد الصياد هو مناضل ثورى وعضو باللجنة التنسيقية للحقوق والحريات النقابية والعمالية واحد انشط اليساريين فى مصر فى المجالات المختلفة العمالية والسياسية وغيرها
وولد احمد الصياد فى 22\11\1950
بمدينة المنصورة
الجدير بالذكر انه تم القبض على الصياد اكثر من مرة على مدى عمرة من قبل امن الدولة
اليكم شعر الصياد الذى حاولت بقدر معلوماتى البسيطة ان اكتب عن تعريفة لكم ولكن للجميع الصياد اكبر بكثير
من ان يحكى عنه او يتكلم عنه مواطن مثلى
(مبارك عليكم)
مبارك عليكم ياشعب الكنانه
مبارك بتاعكم هيلبس عمامه
ويقرا عليكم آيات المحبه
آيات السلام والأمان والأمانه
ويسحل ولادكم في طهطا وغزه
ويطفح لسانه بكدب ومذله
ياحسره ياشعب الكنانه ياحسره
دي غزه بتصرخ مبارك عليكم
عليكوا وعلينا جميعاً وصحبه
جواعا وعرايا وشهدا يامجرم
مبارك عليكم صديقكوا الحميم
نتن بن ياهو وباراك وشيمون
مبارك عليكوا دماء الضحايا
ضحايا الصبايا السبايا الغلابه
الصبايا السبايا الغلابه الصغار
ولاد الشهيد اللي راح من سنين
ف بحر البقر وسينا الحزينه
بتدمع ياكبدي بقهر الأنين
مبارك عليكم شيوخها وملوكها
ملوك البارات والسكات والغازات
سماسرة أراضى ودعاره وخلافه
مبارك عليكم بتاع الحديد
بتاع الحديد والسموم والبلاء
بتاع البلاء اللي طايل بيوتكم
مبارك عليكم ياولد الصهاينه
صديقكوا الحميم الـ طايح ف شعبه
عفارم عليكم ياولد المقاومه
عفارم عليكم ياولد الرجال
يانور الصباح اللي طالع حداكوا
وبكره حدانا هيطلع معاكوا
يزلزل عروش الملوك الجبانه
عفارم عليكم ياولد المقاومه
مبارك عليكم ياشعب الكنانه

No comments: