تعديل بخصوص خبر يافطة الدويقة

بخصوص الخبر بتاع تعليق يافطة فى منطقة الدويقة المنكوبة يفيد تحويل المنطقة لمقبرة جماعية اتصل بيا عمرو سلامة صاحب مدونة لسة عايش وقالى ان اللى اتحول لمقبرة جماعية لضحايا الدويقة هى عزبة اسمها بخيت جنب الدويقة وفعلا علقوا عليها يافطة بتقول ان العزبة تحولت لمقبرة جماعية وقالى عمرو كمان ان الامن منع مجموعة من النشطاء معاهم سيارات اغاثة لاهالى الدويقة وخد بطايق بعض من حاولوا الدخول للدويقة لمساندة الاهالى وطلب الامن من النشطاء انهم لو عايزين عربيات الاغاثة توصل يسلموها للهلال الاحمر المصرى التى ترأسه مدام سوزان مبارك زوجة السيد المحترم المبجل رئيس الجمهورية حتى فى الكوارث عايزين زوجة الرئيس هى اللى تبقى فى المقدمة طب فى سيارات الاغاثة لغزة وقولنا ماشى لكن حتى على ارضنا حرام عليكم حتى فى الكوارث على ارض مصر لسه هنستنى لحد ما نسلم العربيات للهلال الاحمر ربنا ياخد الظلمة
ياريت اللى يعرف اى تفاصيل يكلمنى على رقم
0169338186
او ارسال اميل على البريد التالى
kareemelbehirey@gmail.com