وقفة احتجاجية لاكثر من 150 مدرس بالمحلة احتجاجا على اختبارات الكادر

صورة للوقفة الاحتجاجية اضغط على الصورة لمتابعة باقى الصور

كتب - كريم البحيرى
المحلة الكبرى الخميس 17 يوليو الساعة العاشرة مساءا
انبارح نظم 150 مدرس وقفة احتجاجية فى نقابة المعلمين بالمحلة احتجاجا على قرار وزارة التربية والتعليم بعمل اختبارات فى ثلاث مواد هى اللغة العربية والتخصص والتربوى واللى ينجح فيهم يصرف المرحلة الثانية والثالثة من الكادر الخاص
وطبعا دا رفضة بشكل كامل المدرسين فى المحلة وقالوا ان القرار دا يعتبر عدم اعتراف بالجماعات المصرية اللى حصلوا منها على شهادات تخرجهم بتقديرات عليا
وفى اخر الوقفة هدد المدرسين النقابة فى المحلة فى حالة عدم الغاء القرار دا خلال اسبوع هيقوموا بتنظيم اضراب عام فى اول السنة الدراسية
وعلى هامش الوقفة اتقدم عدد من مدرسى الالة الكاتبة بمحافظة اسكندرية بالعديد من الشكاوى يتظلمون من قرار تحويلهم من مدرسين الى امناء معامل التكنولوجيا وطبعا دا حرمهم من الكادر الخاص
وقالوا فى حديث لمدونة عمال مصر انهم بيتظلموا من القرار دا اللى كانت بدايتة عندما الغت الوزارة فى عام 2004 مدة الالة الكاتبة فى المدارس التجارية والفنية وقالوا ان الوزارة بتميز ناس عن ناس لان فى القاهرة المدرسين بتوع الالة الكاتبة تم تحويلهم الى مدرسي مجال تجاري بعد قيام إدارة التعليم الفني بالقاهرة بتقديم مذكرة مضمونها تحويل المادة إلى مجال تجاري تُقرر على طلاب الثانوي العام والإعدادي العام والمهني مما يعتبر تفريق بين المدرسين فى المحافظات وطالبوا بحفظ حقوقهم فى الكادر خاصة وانهم بقالهم سنوات طويلة بيشتغلوا كمدرسين الة كاتبة

تليفونى كريم البحيرى
0169338186