كلام من القلب على الماشى

كلام من القلب

هذه بعض صور لحالة المواطنين بالمحلة ( كارثة سوق اللبن ياعم نظيف ) شوف الناس فى الشارع يمكن قلبك يرق عليهم انت وانكل مبارك

اعلن نظيف عزمة زيارة محافظة الغربية بهدف الترويج للحزب الوطنى بعد فضيحتة السودا فى التعديلات الدستورية وعلى شرف هذه

الزيارة قام حزب البليلة سورى ( الحزب الوطنى ) بتجميل بعض المناطق التى سيمر عليها نظيف وهذه المناطق هى طنطا والسنطة والمحلة الكبرى وتتحرق باقى البلاد بقا هما الناس هتنهب ربنا يخليك لينا يابابا نظيف روقتلنا البلد وخلتنا شفنا شكل الارصفة فى الاماكن اللى هتزورها

والواضح ان الحزب الوطنى استعد لزيارة نظيف استعداد عالى فقد تم رفع حالة التئهب العسكرى الى 80% اصلهم خايفين على الكبير يحصلة حاجة واساسا للعلم الامن مرفوع حالة التأهب فيها بعد التعديلات فمش جديدة يابابا نظيف احنا عايشين فى رعب وزبالة حوالين البيوت ومياة مجارى وامراض وعدم رعاية صحية وكل مسئول يجلنا يتم التنظيف واسف ان كنت استخدمت كلمة منشقة من اسمك بس الحال مش نظيف يابابا نظيف و التنظيف بيحصل فى الاماكن اللى بتزروها وباقى البلد تتحرق

ياعم نظيف ارحمونا وبدل ما انتم عمالين تعملوا زيارات ملهاش فايدة انزلوا شوفوا الناس فى الغربية اللى مرمين فى الشوارع منهم بتوع سوق اللبن وغيرهم اللى مش لقين حتى لقمة يكلوها وسيبك بقا من حزب الفجل سورى الحزب الوطنى اللى مش وطنى اللى انتم ماشين وراه وانزلوا شوفوا الناس عايشة ازاى وسبيوكم من مكاتبكم

واخيرا وليس بأخر ياريت بابا نظيف وانكل مبارك يعملوا زيارات مفاجاءة ومفاجاءة مش معناها انه يبلغ الحزب الوطنى من تحت الطربيزة بزيارتة لا ينزل فجاءة فعلا ويعيش مع الناس زى ما كان الملوك بيعملوا زمان ويلبسوا خيش وينزلوا بين الناس طبعا مع اختلاف الزمن ممكن تبقوا تلبسوا بناطيل كاجول وباديهات ونظارات علشان محدش يشك فيكم

" بحلم زى اى مواطن فى البلد دى ان التعديل يحصل فى حياتنا بجد مش زيارات ومقابلات وكلام لا يقدم ولا يأخر والناس كل يوم بتموت يأما من الجوع او من المرض او من الطل اللى عايشين فيه "ياريت تسمعوا صوتنا الناس تعبت

ومبقاش ادامه غير تطلب من ربنا رحمتة مش منكم انتم